5 gola dhe 7 asiste. Kjo është përmbledhja e këtij sezoni për Xherdan Shaqirin, i cili edhe sot tregoi sesa rëndësi ka te Basel.

Skuadra e tij fitoi 3-1 ndaj Servette në kampionatin zviceran dhe protagonisti kryesor i takimit ishte pikërisht Shaqiri. Mesfushori ofensiv shqiptar shënoi tre gola.

Ish-lojtari i Bayern shënoi një gol në pjesën e parë dhe dy gola në pjesën e dytë, duke rikonfirmuar se Basel me të në fushë është super fuqi në futbollin helvet.

33-vjeçari u shpall lojtari më i mirë i ndeshjes, ndërkohë që nga Sofascore ka marrë thuajse notë perfekt, 9.3.