Renato Sanches ka qenë mes talenteve më premtues pas Euro 2016-të, por ka zhgënjyer në vitet pasues. 

Bayern Munich, që bëri një investim të rëndësishëm për të, e ka kthyer në Gjermani verën e kaluar pas huazimit te Swansea, ku nuk ka bindur aspak.    

Portugezi, i cili e ka patur shumë të vështirë të gjejë hapësira në këtë sezon, ka bërë të ditur se nuk ndihet më i lumtur te bavarezët. Ai ka thënë për "Kicker": "Nuk jam i lumtur këtu. Dua të luaj më shumë, ndoshta te një skuadër tjetër". 

Kontrata e 21-vjeçarit me Bayern-in skadon në vitin 2021.