Shumë barazime, plot 8 të tilla në kampionat rëndojnë disi te Juventus, që mund të ngushëllohet me faktin se ende nuk ka pësuar ende asnjë humbje. bardhezinjtë e trajnerit Motta janë 6 pikë pas Napolit në renditje.

“Ka gjëra që duam t’i bëjmë më mirë, nuk kemi humbur ende dhe kjo është e rëndësishme, por kemi pasur shumë barazime. Kjo n aka penalizuar disi, ndaj duhet të japim diçka më shumë”, tha mesfushori i Juventus, Teun Koopmeiners.

“Duhet të shënojmë më shumë gola dhe të bëjmë më mirë si skuadër. Pavarësisht se rezultate nuk janë shumë të mira mendoj se jemi në rrugën e duhur dhe kam besim se momente edhe më të  mira do të vijnë”, shtoi holandezi.

Në fund, Teun Koopmeiners tha: “Kanë ardhur shumë lojtarë të rinj në skuadër këtë sezon, perfshi edhe mua. Duhet të rritemi si grup, ndaj nuk jam i shqetësuar. Kam besim në aftësitë e mia, të trajnerit dhe të ekipit“.