Mbrëmjen e sotme zhvillohet sfida e madhe e Champions League mes Liverpool dhe Real Madrid. Një ndeshje për të cilën trajneri i “reds” Arne Slot u shpreh i bindur se skuadra e tij do të vuajë shumë.

“Të mundësh Real është një gjë shumë e vështirë jo vetëm për Liverpool por për çdo klub që ka luajtur kundër tyre në Europë, sepse ata kanë cilësinë për të fituar në shumë stile dhe mënyra të ndryshme. Kjo është arsyeja pse ata kanë fituar Këtë turne kaq shumë herë”, tha Slot.

“Ata mund të fitojnë dhe të jenë vërtet dominues, gjithmonë gjejnë një mënyrë për të fituar ose për të kaluar në raundin tjetër dhe kjo është ajo që i bën ata të veçantë”, u shpreh më tej trajneri Slot.

“Edhe ne kemi pasur disa dëmtime kohët e fundit. Alexander-Arnold është në ekip, por nuk do të jetë në gjendje të luajjë titullar. Ai mund të luajë disa minuta, por në një botë ideale ndoshta jo edhe”, tha Slot.

Më tej, trajneri shtoi: “Chiesa nuk është ende në dispozicion. Elliott është në grup, por nuk ka luajtur për një kohë të gjatë, ndaj nuk është ende gati për të filluar. Tsimikas nuk është rikuperuar ende, ka edhe një dëmtim, ndaj lista është e gjatë”.