Liverpool po kalon një moment të mirë si në kampionat ashtu dhe në Champions League. Skuadra e “reds” përgatitet për një përballje të vështirë në fushën e Newcastle në Premier League.

Gjithsesi, trajneri Arne Slot është gati për një tjetër betejë, për të mos humbur kontaktin me “citizens”, që kryesojnë me një pikë më shumë. “E dimë rëndësinë e kësaj sfide dhe jemi gati të tregojmë se sa vlejmë”, tha Slot.

“Ne duam të fitojmë çdo trofe, në çdo turne ku marrim pjesë. Ky është objektivi ynë”, u shpreh më tej Slot, që tashmë nuk i fshëh më ambicjet e tij dhe të Liverpool. “të gjithë janë të rëndësishëm në një sezon të gjatë”, tha holandezi.

Ai sqaroi se klubi ka nisur bisedimet për rinovimin e kontratës së 3 lojtarëve kryesorë, që u skadon në fund të këtij sezoni. Sipas Slot, ata janë të rëndësishëm për klubin dhe të ardhmen e tij.

“Negociatat me Virgil van Dijk, Trent Alexander-Arnold dhe Mohamed Salah kanë nisur dhe s’do të jetë problem për paraqitjen e tyre në këtë sezon. Ata janë kampionë që duan të fitojnë ashtu si të gjithë”, tha Arne Slot.