Italia e Luciano Spallettit është zyrtarisht gati për Euro 2024. Trajneri italian ka shkrirë dyshimet e tij duke nxjerrë listën me 26 lojtarët e thirrur që do të marrin pjesë në Kampionatin Europian.
Tre lojtarë janë lënë jashtë nga 29 të pranishëm në Coverciano, por do të qëndrojnë në dispozicion deri një ditë para debutimit kundër Shqipërisë në rast të dëmtimeve të mundshme. Siç pritej, Nicolò Barella është thirrur pavarësisht dëmtimit.
Zgjedhjet ishin vendosur pak ditë më parë, por u zyrtarizuan vetëm pasi disa situata fizike janë zgjidhur me garanci të shumta nga stafi mjekësor, si në rastin e të dëmtuarit Barella që duhet të rikuperohet për debutimin ndaj Shqipërisë më 15 qershor.
Tre të përjashtuarit janë: portieri i Lazios, Provedel, ndaj të cilit Spalletti preferoi Meret pasi problemi fizik që kishte para ndeshjes miqësore kundër U-20 ishte nën kontroll; mesfushori i Torinos Ricci, i cili humbi balotazhin me Fagiolin mbi të gjitha, por edhe me Folorunsho të shpërblyer për veçoritë tekniko-taktike; dhe Orsolini i Bologna-s, para të cilit trajneri preferoi Zaccagni dhe El Shaarawy.
𝑬𝑼𝑹𝑶 𝟐𝟎𝟐𝟒 🇮🇹
La lista dei 2️⃣6️⃣ convocati del Ct Luciano Spalletti per #EURO2024 💙#Nazionale #Azzurri #VivoAzzurro pic.twitter.com/b5YwSrKxX8
— Nazionale Italiana ⭐️⭐️⭐️⭐️ (@Azzurri) June 6, 2024
