Lamine Yamal sot mbush 17 vjeç, anësori i Barcelonës i cili me golin e tij spektakolar ndaj Francës kontribuoi për ta çuar Spanjën në finalen e Kampionatit Evropian dhe nesër do të përballet me Anglinë në Berlin.

Më shumë se talenti i lindur teknik, ajo që të bie në sy tek ky adoleshent është guximi dhe butësia me të cilën e shpreh në një skenë kaq të rëndësishme. Nga e ka marrë kaq shumë lirshmerine kur e ka topin në këmbë? Kjo ishte pyetja e Marca.

“Nga rruga, nga loja me miqtë. Nga vjen shikimi në një drejtim dhe pasimi i topit në anën tjetër. Ja ku mëson”, është përgjigja e Yamal.