Skuadra e San Antonio fitoi 105-104 ndaj Toronto, një ndeshje e vendosur në minutën e fundit në favor të Spurs. Kampionët kanadezë e dominuan takimin në shumicën e kohës (Ibaka 21 pikë e 14 rebound), duke u shkëputur deri në 18 pikë. Gjithsesi, në fund erdhi përmbysja e San Antonio, ku u dallua DeRozan me 25 pikë. Fiton edhe ekipi i Memphis, që mundi 122-102 Golden State, ndeshje e vendosur në pjesën e dytë. Ndeshje e mirë e Valanciunas, me 31 pikë e 19 rebound.
Skuadra e Denver arriti një fitore të rëndësishme ndaj Clippers me shifrat 114-104, përballje mes dy ekipesh rivale në Konferencën e Perëndimit. 7 lojtarë të Denver realizuan mbi 10 pikë (Nikola Jokic 20 pikë e 15 rebound), ndërsa 30 pikët e Leonard për miqtë mbetën për statistikë. New York, falë 26 pikëve të Randle dhe 23 të Barrett mundi 124-121 Miami, ndërsa Phoenix triumfoi 100-92 ndaj Charlotte (Oubre 25 pikë e 15 rebound).
NBA – Rezultatet e sotme
New York – Miami, 124-121
Washington – Utah Jazz, 116-127
Brooklyn – Atlanta, 108-86
Memphis – Golden State, 122-102
Toronto – San Antonio, 104-105
Denver – Clippers, 114-104
Phoenix – Charlotte, 100-92
