Mohamed Salah është akuzuar se po bën “lojëra psikologjike” me Liverpoolin për një kontratë të re pasi ai “mund të bëjë çfarë të dojë” për të nënshkruar një rinovim milioner.

Deklaratat e Salah në shtyp në lidhje me situatën e kontratës së tij janë interpretuar nga ish-mbrojtësi i Liverpool, Glen Johnson si një lëvizje strategjike për të ushtruar presion ndaj klubit dhe për të negociuar kushte më të mira.

Duke folur për Betfred, Johnson tha:

“Është e qartë se po zhvillohen shumë lojëra dhe Mo e di se ai është në një pozicion të fuqishëm. Ai po luan lojën dhe ndoshta dëshiron të qëndrojë, por ai thjesht po përdor të gjitha këto taktika për t’i dhënë vetes disa vite më shumë sesa Liverpooli dëshiron t’i japë atij në kontratë.

“Ai e di se është në pozicion më të favorshëm se klubi dhe mund të bëjë pothuajse atë që dëshiron. Ai mund të mendoj se deklaratat për shtypin janë zgjidhja e tij e fundit dhe kështu ai mund t’u bëjë të ditur njerëzve se dëshiron të qëndrojë”.