Pas fitores 5-0 ndaj Hungarisë në ndeshjen e parë të Nations League, kombëtarja e Gjermanisë do të luajë sot ndaj Holandës. Një sfidë e vështirë për kombëtaren gjermane, që luan në një fushë të vështirë.

Në këtë ndeshje, kombëtarja gjermane mund të mos ketë në dispozicion sulmuesin Niclas Fullkrug, për të cilin trajneri Julian Nagelsmann thotë: “Kjo do të vendoset sot pasdite. Ai ka probleme me pulpën dhe është në dilemë”.

Ish-trajneri i Bayern Munich u fokusua më pas te revolucioni që po bën në kombëtare, duke afruar mjaft të rinj: “Shumë gjëra janë të dukshme. Unë jam ende një besimtar se ka fitues dhe humbës. Gjithashtu ka kuptim që fëmijët ta mësojnë këtë”.

“Por kjo duhet të ndodhë brenda një kornize. Prindërit nuk duhet të jenë më ambiciozë se vetë fëmijët e tyre. Sa më shumë të rriteni, aq më i rëndësishëm bëhet edukimi juaj përmes suksesit. Por në përgjithësi mendoj se reforma është e mirë”, tha Nagelsmann.