Historia shkruhet, edhe kur “librin” që ke blerë qe ne vitin kur daton lindja dhe themelimi e ke bosh… Dhe këtë po bën Egnatia që eshte shembull i pasionit mbi punën, investimet, kurimin e detajeve, por sidomos besimin te trajneri Edlir Tetova, që nuk ka munguar kurrë.

Ne krye, presideti Demrozi qe edhe pse eshte dashur te dorezohet perpara ofertash per te shitur futbollistë, gjithmone e ka mbajtur grupin ne nivel dhe konkurrues me afrime te goditura. Nga Kupa te titulli per te vazhduar te kupa dhe tani Superkupa!

Sonte u vendos një tjetër “puzzle” në ecurinë e këtyre dy viteve të fundit për ekipin rrogozhinas që fitoi Superkupën e parë në histori, pasi e kishte humbur një në finalen ndaj Partizanit. Përballë, finalisti i Kupës së sezonit të shkuar, Kukësi, të cilin ekipi i Egnatias e mundi 2-0 në “Arenën Kombëtare” në Tiranë. Mjaftuan dy gola për të ngritur trofeun prestigjoz.

Egnatia është shpallur fituese e Superkupës së Shqipërisë për herë të parë në historinë e saj, teksa ka mundur ekipin e Kukësit në finale. Rrogozhinasit, ashtu siç pritej kanë dominuar përballe verlindorëve që vinin nga Kategoria e Parë, duke krijuar më shumë lojë e raste.

GOLI I 1-0 (VIDEO)

Mbrojtja e Kukësit nuk largon një top në zonë, topi shkon te Ujka i cili me të djathtën e çon në rrjetë. Goli i shpejtë i Ujkës në pjesën e parë ua bëri më të thjeshtë ndeshjen.

Megjithate u desh të priteshin minutat e fundit të sfidës që të mbyllej diskutimi me golin e Bakajokos që vulosi suksesin 2-0. Pas një harkimi nga e majta, Bakajoko gjuan me kokë, Dervishaj largon sferën por asistenti bën shenjë që topi ka kaluar vijën fatale.

GOLI I 2-0 (VIDEO)

EGNATIA-KUKËSI 2-0
19′ Ujka, 84′ Bakajoko

LIBRI I ARTE I SUPERKUPËS

1989 – Dinamo

1990 – Flamurtari

1991 – Flamurtari

1992 – Elbasani

1993 – (nuk u zhvillua)

1994 – Tirana

1995 – (nuk u zhvillua)

1996 – (nuk u zhvillua)

1997 – (nuk u zhvillua)

1998 – Vllaznia

1999 – (nuk u zhvillua)

2000 – Tirana

2001 – Vllaznia

2002 – Tirana

2003 – Tirana

2004 – Partizani

2005 – Tirana

2006 – Tirana

2007 – Tirana

2008 – Dinamo

2009 – Tirana

2010 – Besa

2011 – Tirana

2012 – Tirana

2013 – Skënderbeu

2014 – Skënderbeu

2015 – Laçi

2016 – Kukësi

2017 – Tirana

2018 – Skënderbeu

2019 – Partizani

2020 – Teuta

2021 – Teuta

2022 – Tirana

2023 – Partizani

2024- Egnatia

 

View this post on Instagram

 

A post shared by Telesport (@telesport)