Igli Tare ka një sy të mprehtë dhe ka zbuluar shumë talente nën drejtimin e Lazios. Drejtori sportiv i italianëve së fundmi ka hedhur sytë te Marash Kumbulla. Mbrojtësi i kombëtares shqiptare ka fituar vëmendjen e zyrtarit lacial.
Tuttosport shkruan se vlonjati kërkon të arrijë me patjetër te kartoni i Kumbullës. Tare ka vendosur veton e tij për afrimin e futbollistit të Hellas Veronës dhe është gati t’i sfidojë të gjithë ekipet konkurrente.
Çelësi për të arritur te Kumbulla është Adam Marusic. Mbrojtësi i djathtë vlerësohet me 20 milionë euro dhe PSG ka shfaqur interes për 27-vjeçarin. Paratë e malazezit mund të shkojnë për blerjen e kartonit të Kumbullës.
