Sot, France Football ka zbuluar se Rodri (28) mundi Vinicius Jr. (24) në votimin për Topin e Artë 2024 me 41 pikë. Ai përfaqëson një nga fitoret më të ngushta në konkurs që nga ndryshimi i formatit të votimit në 2016.
Megjithatë, nuk është diferenca më e vogël me të cilën është vendosur një fitues. Në vitin 2019, Lionel Messi mundi Robert Lewandowski me pikët më të ngushta në total me dy lojtarët të ndarë me vetëm shtatë pikë.
Pati disa polemika këtë vit me lojtarin e Manchester Cityt që fitoi çmimin ndaj rivalit të tij Real Madrid. Real Madrid thuhet se ishte “i zemëruar” dhe u ndje i “mosrespektuar” që ylli i tyre do të humbiste.
Klubi spanjoll vendosi të bojkotojë ceremoninë e ndarjes së çmimeve pasi e dinte qe Vinicius nuk do te merrte trofeun, ashtu sie dhe lojtari tjeter Carvajal. Kjo ka shtyre Carlo Ancelotti, Florentino Pérez, Vinícius Jr., Jude Bellingham, Dani Carvajal dhe Kylian Mbappé te mos fluturojne ne Paris.
Këtë vit, 99 votues nga 100 vendet më të mira të FIFA-s për meshkuj (vetëm Siria nuk votoi) dhe 49 nga 50 vendet më të mira të FIFA-s për femra (pa Kosta Rikën) dhanë 10-shen e tyre më të mirë (15 pikë për të parin, pastaj 12, 10, 8, 7, 5, 4, 3, 2, 1 pikë). Dhe, është e qartë se ishte një lufte e ngushtë mes Rodri dhe Vinicius Jr. për Topin e Artë për meshkuj.
Numri i lojtarëve, duke përjashtuar Rodri dhe Vinicius Jr., të cilët janë përmendur të paktën një herë në vendin e parë në renditje ka qene 7. Mes tyre veçohen tre lojtarë të Realit: Jude Bellingham (5 vendet e para), Dani Carvajal (4) dhe Toni Kroos (2). Kylian Mbappé, Erling Haaland, Lautaro Martinez dhe… Ademola Lookman janë përmendur të gjithë një herë si numri 1 i renditjes ne votim.
Janë pesë anëtarë të jurisë që nuk e përfshinë Rodrin në top 10-shen e tyre. Vinicius Jr u la jashte top 10 nga tre votues. Asnjë juri nuk gjeti 10 më të mirët sipas renditjes këtë vit apo edhe 5 më të miret. Megjithatë, janë shtatë që kanë katër të parët në renditje (Rodri, Vinicius Jr., Bellingham, Carvajal): Anglia, Australia, Shtetet e Bashkuara, Irlanda e Veriut , Islanda, Norvegjia dhe Sllovakia.
Top 10 Topi i Arte – Renditja finale
1. Rodri (Manchester City)
2. Vinicius Jr. (Real Madrid)
3. Jude Bellingham (Real Madrid)
4. Dani Carvajal (Real Madrid)
5. Erling Haaland (Manchester City)
6. Kylian Mbappé (Paris-SG)
7. Lautaro Martinez (Inter Milan)
8. Lamine Yamal (FC Barcelona)
9. Toni Kroos (Real Madrid)
10. Harry Kane (Bayern Munich)
