Legjenda e Anglisë, Paul Gascoigne, ka shprehur dëshirën që Pep Guardiola të marrë drejtimin e Tre Luanëve.

Lee Carsley është zgjedhur si trajner i përkohshëm pas largimit të Gareth Southgate në fund të Euro 2024.

“Guardiola gëzon respektin e të gjithëve, ka qenë trajner i Barcelona-s dhe ata kanë pasur lojtarët më të mirë në botë. Ka qenë edhe te Bayern Munich. Ka arritur rezultate shumë të mira. Të gjitha ekipet që ka drejtuar e respektojnë”, ka thënë Gascoigne për Techopedia.

“Më kanë thënë se Southgate do të merrte drejtimin e Manchester United dhe se Pep Guardiola do të bëhej trajneri i Anglisë! Të shohim se çfarë do të ndodhë këtë vit. Ndoshta do të ndodhë verën e ardhshme”.