Tashmë të gjithë e dinë se sulmuesi Kylian Mbappé do të largohet nga Paris Saint-Germain në fund të sezonit për t’u transferuar te Real Madrid. Në fund të këtij sezonit, francezit i skadon kontrata me kampionët e PSG.
Ata që janë të përfshirë drejtpërdrejtë në këtë çështje nuk kanë shumë dëshirë të flasin për këtë temë. I intervistuar nga Telefoot, Mbappé, që aktualisht luan me Francën, siguron se PSG-ja tani e ka mbyllur këtë muhabet.
“Mendoj se njerëzit do ta dinë për të ardhmen time në kohën e duhur, para Kampionatit Europian. Unë do të arrij në Kampionatin Europian me qetësi dhe mendoj se në këtë mënyrë edhe mendja e njerëzve do të jetë e qetë”, tha Mbappe
“Në klub e ardhmja ime nuk është më një temë e rëndësishme. Askush nuk më flet për këtë gjë kështu që askush nuk ka merak. Unë do të shkoj në Kampionatin Europian me sigurinë për të bërë gjëra të mëdha”, tha francezi.