Presidenti i La Liga-s. Javier Tebas ka dashur të hedhë pak dritë mbi situatën financiare që po kalon Barça dhe ka theksuar se klubi nuk duhet të ketë probleme për të ecur përpara. Presidenti i La Liga-s theksoi se humbjet qindra miliona euro janë kryesisht për shkak të menaxhimit…
“Barça, në aspektin ekonomik, është një makinë për të fituar para”, tha ai në fjalimin e tij në festën e ‘MARCA Sports Weekend’. Tebas gjithashtu donte të eliminonte krahasimet midis skuadrës së Barçës dhe ekipeve të tjera që kanë rënë nga kategoria për arsye financiare.
“Rasti i Elches ishte për shkelje të zotimeve me Agjencinë Tatimore. Nuk është i krahasueshëm”, tha ai. “Barça vjen nga më shumë se 500 milionë euro humbje dhe në kontrollin tonë ekonomik kur dikush vjen me ato shifra duhet t’i rikuperojë.
Shkaqet ishin pjesë e humbjeve nga COVID, një pjesë e humbjeve operative dhe sepse janë avancuar provizionet për amortizimin e lojtarëve të cilët nuk duhej t’i bënin ato,” shpjegoi ai.
Tebas gjithashtu vuri në dukje humbjet operative ‘nga menaxhimi që mund të ketë pasur epoka e Bartomeu’. “Ishin vendime të tyre dhe të gabuara që po i rëndojnë shumë sa i përket kufirit të pagave”, tha ai.
Për polemikat rreth nënshkrimeve të mundshme të Barçës në këtë situatë delikate, Tebas theksoi se ‘mund të nënshkruajë’ por me ‘rregullin 1/3’. Për çdo 100 milionë euro shitje që bëjnë, ata mund të përdorin 33 milionë euro blerje. Por nëse ata bëjnë fitime prej 500 milion euro, atëherë ata do të jenë në gjendje të nënshkruajnë normalisht në 1:1″.
