Trajneri i Manchester United, Erik Ten Hag, komentoi ardhjen tashmë të ish-sulmuesit të Bologna, Joshua Zirkzee në radhët e “djajve të kuq”. Ai la Serie A pasi skuadra angleze pagoi gati 45 milionë euro.

“Ai është një lojtar që mund të lidhë lojën tonë. Joshua mban topin, ka ide të mira. Ai është kreativ, di të driblojë dhe të krijojë karakteristika të ndryshme dhe kjo është gjithmonë ajo që ne kërkojmë”, tha Ten Hag.

Më tej, trajneri hoplandez shtoi: “Ai na jep më shumë opsione taktikisht që është e mirë sepse, veçanërisht në sulm, ne kemi shumë lojtarë që mund të luajnë dhe mund të përfitojë shumë nga aftësitë e tij”.

Trajneri holandez, më pas nënvizoi fuqinë e skuadrës në dispozicion: “Mendoj se kemi treguar se mund të mposhtim ekipin më të mirë në botë, si dhe ndodhi në finalen e FA Cup, kundër Manchester City”.

“Pra, kur të gjithë janë në formë, ne tashmë kemi një ekip i mirë dhe arrijmë një nivel të lartë. Por, ne gjithashtu e dimë se na duhen më shumë lojtarë. Sidomos në këtë sezon, ku ka edhe më shumë ndeshje”, u shpreh Ten hag

“Do të ketë më shumë ndeshje në një sezon, ndeshje më intensive, pa pushim dimëror, një janar shumë intensiv. Ne kemi nevojë për thellësi në skuadër. Është gjithnjë e më shumë një çështje e mbijetesës së më të fortit”, tha Ten Hag.