Portieri i Barcelonës, Marc-Andre Ter Stegen, e ka futbollin si punë dhe nuk është se e ka shumë pasion. Ai në një intervistë të tij ka treguar se nuk ndjek shumë futboll, madje nuk i mban mend emrat e kundërshtarëve që përballet.
“Nuk shikoj ndeshje. E bëj vetëm kur luhet ndonjë përballje shumë e madhe, ose kur luan ndonjë miku im. Ndonjëherë kur më pyesin për kundërshtarët nuk kam se çfarë të përgjigjem.
“Shoh shumë pak kundërshtarët dhe më pas i shikoj dhe në fushë kur i kam përballë. Futbolli nuk është përparësi në këto kohë që jetojmë, pasi më i rëndësishëm është shëndeti”, – tha Ter Stegen.
