Marc Ter Stegen doli i kredhur pas ndeshjes, i vetëdijshëm për sezonin e keq të Barcelonës, i cili përfundoi me lamtumirën e Xavit. Portieri gjerman u shpreh: “Ne tashmë e siguruam vendin e dytë javën e kaluar. Në fund të fundit ishte një objektiv minimal, do të garojmë sezonin e ardhshëm për tituj të tjerë. Shpresojmë që të jetë një sezon më i suksesshëm se ky”.

Dje ishte ndeshja e fundit e trajnerit Xavi te katalanasit, teksa portieri gjerman kishte vetëm fjalë të mira për të: “Si profesionist, ai na ka dhënë gjithmonë shumë. Xavi ka punuar çdo ditë që ne të kemi sukses dhe e falënderojmë shumë. Në planin personal ka qenë mik për shumë vite. I urojmë më të mirën, sepse e meriton”.

Tashmë, duke shikuar përpara nga sezoni i ardhshëm, gjermani ka besim se mund të përmirësohen si ekip: “Sot nuk është koha më e mirë për të folur, por mendoj se kemi shumë lojtarë të nivelit të mirë. Në nivel individual duhet të punojmë shumë më tepër për të qenë gjithmonë në gjendje më të mirë, që të mund të konkurrojmë me këdo sezonin e ardhshëm”.