Deri në gusht, Theo Hernandez konsiderohej i pashitshëm te Milani. Ai u bë shumë shpejt një nga lojtarët e pazëvendësueshëm të kuqezinjve, por gjërat kanë ndryshuar.

27-vjeçari ka edhe një vit e gjysmë kontratë me Milanin. Drejtuesit e klubit po konsiderojnë shitjen e tij, sepse përndryshe rrezikojnë ta humbin me parametra zero.

Klubi që ka shfaqur më shumë interes për francezin është Manchester United. “Djajtë e Kuq” duhet të shpenzojnë rreth 60 milionë euro për të, duke qenë se Milani nuk bën lëshime për shifrat.

Deri para pak muajsh, për Theo ka shfaqur interes edhe Bayern, por situata në Mynih ka ndryshuar. Alphonso Davies ka vendosur të rinovojë me bavarezët.