440 paraqitje dhe 51 gola me Juventusin… Antonio Cabrini ka ide të qarta për lëvizjet që bardhezinjtë do të duhet të bëjnë për t’u rikthyer në nivelet më të larta. Në intervistën për “Tuttosport”, megjithatë, fillimisht ka hapësirë ​​për trajnerin e ri, Thiago Motta: “Sigurisht që ka bërë shumë mirë në Bologna, do të sjellë ide të reja dhe një rrugë tjetër në krahasim me të kaluarën. Sidoqoftë, trajnerët bëhen të mirë kur kanë lojtarët e duhur”.

E përkthyer: nevojiten përforcime për të rivalizuar me Interin për titullin: “Nuk mund të fitosh pa kampionë. Duhet të kesh elementë të rëndësishëm në dispozicion për të arritur rezultate të shkëlqyera. Idetë e Thiago janë sigurisht brilante dhe shumë interesante. Tani i takon klubit ta mbështesë atë, duke marrë lojtarë të përshtatshëm për futbollin e tij”.

Për mesfushën, drejtori Giuntoli ngulmon të sigurojë shërbimet e Koopmeiners:

“Do të ishte një nënshkrim i mirë për të ngritur nivelin në mesfushë. Ai bëri shumë mirë në Bergamo, do të na ndihmonte t’i afroheshim Interit, i cili mbetet favorit, duke qenë se ka shtuar elementë të shkëlqyer si Taremi, Zielinski dhe Martinez”.

Nuk mund të mos pyesim një mbrojtës të madh si ai për Andrea Cambiaso, zbulimi i sezonit të kaluar të Juventusit: “Ai po rritet mirë. Te Juve gjeti mjedisin e duhur dhe një grup lojtarësh, që e mbështetën në rrugën e rritjes. Ai ka karakteristikat për t’u bërë një lojtar i rëndësishëm”.