Skuadra kampione e Toronto fitoi 112-99 ndaj Detroit, duke qëndruar mes skuadrave elitare në Konferencën e Lindjes. Tjetër ndeshje e mirë e Siakam, që realizoi 26 pikë, mbështetur edhe nga Serge Ibaka me 25 pikë e 13 rebound. Skuadra e Boston, falë 32 pikëve të Walker, 26 të Brown dhe 24 të Tatum mposhti me përmbysje 109-103 Dallas.
Nuk zhgënjen skuadra e Denver, forca e tretë në Perëndim, që mundi 113-104 Orlando, ndeshje ku diferencën në parket e bëri Murray, autor i 33 pikëve. Skuadra nënkampione e Golden State vazhdon momentin negative këtë sezon, teksa pa yjet e saj humbet sërish. Warriors u mundë 122-112 nga Portland (Lillard 31 pikë e 13 asist si dhe McCollum 30 pikë).
Surprizon Miami, që mposhti 108-104 Philadelphia jashtë fushe, sfidë me rivalitet dhe emocione deri në fund. Ndeshje e mirë e Nunn, që realizoi 26 pikë, mbështetur edhe nga Adebayo me 23 pikë. Chicago fitoi 110-109 ndaj Washington pas kohës shtesë (Markkanen 31 pikë), ndërsa Oklahoma mundi me përmbysje 126-122 Memphis (Schroder 31 pikë).
NBA – Rezultatet e sotme
Cleveland – Charlotte, 100-98
Detroit – Toronto, 99-112
Philadelphia – Miami, 104-108
Washington – Chicago, 109-110
Minnesota – New Orleans, 99-107
Oklahoma – Memphis, 126-122
Denver – Orlando, 113-104
Dallas – Boston, 103-109
Portland – Golden State, 122-112
