Nëse Tanguyn Ndombele do të largohet në merkaton e verës, zëvendësuesi i tij te Tottenham mund të jetë Marcel Sabitzer, ylli i Leipzig që eliminoi pikërisht Spurs nga Champions League me dygolëshin e shënur në ndeshjen e kthimit të 1/8-ave të luajtur në Gjermani.
Sipas shtypit gjerman, në fakt, anglezët duket se kanë vënë në shënjestër kapitenin e Leipzig dhe do të ishin të gatshëm të paguanin 50 milionë euro.
Kushti i vetëm për realizimin e këtij operacioni është që Ndombele (e do Barcelona) të shitet për një shifër më të lartë se 60 milionët e paguar për të verën e kaluar.