Justin Edinburgh, trajner i Leyton Orient është ndarë nga jeta pas një ataku kardiak. Vetëm 49-vjeç, por nuk ka mundur t’i shpëtojë goditjes në zemër, trajneri që e ngjiti këtë sezon skuadrën e Leyton në Football League.
Edinburgh ka qenë në Madrid duke ndjekur finalen e Champions League dhe të dielën është kthyer në Angli, aty ka pësuar edhe goditjen në zemër. Të hënën është dërguar me urgjencë në spital, por nuk ka mundur të mbijetojë.
Anglezi më parë ka luajtur si mbrojtës i krahut të majtë dhe për 10 vite (1990-2000) ka veshur fanellën e Tottenham, duke bërë 215 paraqitje me klubin londinez.
