Menjëherë pas ndeshjes, Franco Lerda, trajneri i Partizanit, u takua nga bashkëkombësi i tij, Edoardo Reja, trajneri i kombëtares së Shqipërisë, duke biseduar në lidhje me takimin e mbyllur 0-0 mes Partizanit dhe Qarabag.

Reja e ka përgëzuar Lerdan për lojën e zhvilluar nga të kuqtë, sidomos në pjesën e dytë, ndërsa i ka dhënë edhe disa këshilla të vogla në lidhje me sfidën e kthimit. Megjithatë, në tërësi, Reja ka duartrokitur Partizanin, teksa i ka uruar fat Lerdas për në Azerbajxhan.