Në lidhje me krijimin e Superligës Europiane ka reaguar edhe trajneri i njohur italian Claudio Ranieri. Ky i fundit njihet për mrekullinë e bërë me Leicester Cityn, që u shpall kampion i Premier League pak vite më parë, edhe pse ishte një ekip i ndërtuar për mbijetesë.
Pikërisht me këtë mrekulli e lidh Superligën Europiane Ranieri, sipas të cilit, ky kompeticion vret ëndrrat në futboll. Trajneri aktual i Sampdorias u shpreh se gjëja e parë që mendoi kur mori vesh krijimin e Superligës Europiane, ishte mrekullia e arritur me Leicesterin.
“Kur mësova për krjimin e Super League, gjëja e parë që më erdhi në mendje ishte mrekullia e arritur me Leicesterin. Kjo është bukuria e futbollit, që edhe një klub i vogël të ëndërrojë që të bëhet i madh, por disa me sa duket nuk e kuptojnë diçka të tillë”, përfundoi Ranieri.