Gazetari i njohur i merkatos, Fabrizio Romano ka raportuar se Olympique de Marseille ka paraqitur një ofertë për sulmuesin e Manchester United, Mason Greenwood (22 vjeç).

Pasi u kthye nga huazimi i tij te Getafe, Manchester United po kërkon të shesë Greenwood. Kjo lëvizje huazimi erdhi në vazhdën e vendimit të Manchester United për të mos ri-integruar produktin e akademisë pasi akuzat për tentativë përdhunimi dhe sulmi kundër sulmuesit u hoqën dhe ai i shfajesua. Greenwood mohoi të gjitha akuzat kundër tij.

Edhe një herë, Djajtë e Kuq po kërkojnë të gjejnë një zgjidhje për Greenwood. Ndërsa L’Équipe e ka përshkruar marrëveshjen si “shumë të vështirë”, Romano raporton qe Marseille tani ka paraqitur një ofertë zyrtare. Gazetari italian shtoi se bisedimet janë duke u zhvilluar dhe se një marrëveshje po afrohet.

Manchester United do të ishte i hapur për ta huazuar edhe një herë anglezin – me detyrimin për blerje – gjë që mund t’i përshtatet Marseille, duke pasur parasysh realitetet aktuale financiare me të cilat përballen skuadrat franceze.

Skuadra e Premier League thuhet se do të dëshironte një klauzolë shitjeje të përfshirë në marrëveshje. Eshte trajneri i Marseille, De Zerbi, ai qe ka kerkuar specifikisht Mason Greenwood.