Aventura e Allan te Napoli duket se është pranë fundit. Sipas asaj që ka shkruar ditën e sotme e përditshmja napoletane “Il Mattino”, braziliani është i vendosur t’I japë fund raportit me skuadrën e De Laurentiis.
Gjithçka ka lindur nga fërkimet që brenda 1 viti kanë prishur marrëdhëniet mes brazilianit dhe drejtuesve të klubit, teksa pikërisht ish-trajneri i tij që i doli disa herë në mbrojtje, Carlo Ancelotti, e do te Everton.
Madje, ka bërë edhe një ofertë zyrtare që shkon 45 mln euro. Por, De Laurentiis ka refuzuar pasi për mesfushorin do të paktën 60-70 mln euro, shifër të cilën e refuzoi në janar të këtij viti nga PSG.
Megjithatë, situate e pandemisë dhe bllokimi i merkatos mund të çojë edhe në një ulje pretendimesh deri në 55 mln euro, pra rrugë e përbashkët, pasi vullneti i futbollistit është të largohet në verë.