Manchester United është në lëvizje për mesfushorin e Milan-it, Franck Kessie, sipas La Gazzetta dello Sport.
Kontrata e mesfushorit skadon në fundin e këtij sezoni dhe ai nuk ka arritur akoma një marrëveshje për rinovimin me kuqezinjtë.
United e shikon Kessie si një zëvendësues të mundshëm të Paul Pogba.
Ashtu si Kessie, edhe kontrata e Pogba me United skadon në fundin e këtij sezoni dhe nuk dihet akoma nëse ai do të rinovojë me Djajtë e Kuq.
Kessie kërkon një rrogë 8 milionë euro në sezon, por Milan është i gatshëm t’i ofrojë vetëm 6.5.
Kërkesat e lojtarit të Bregut të Fildishtë mund të plotësohen nga Manchester United, duke parë se klubi paguan Pogba 290 mijë sterlina në javë.