Milan-i, është në kërkim të një sulmuesi të ri për ta transferuar në merkaton e dimrit dhe është duke vlerësuar edhe rrugën që të çon te Michy Batshuayi, sulmuesi belg 25-vjeçar me origjinë kongoleze, në pronësi të Chelsea-t, por që aktualisht luan në La Liga me Valencia-n.
Sipas asaj që raporton “Gestiona Radio Valencia”, klubi bardhezi duket se është lodhur me Batshtuyai-n dhe dëshiron ta ndërpresë marrëveshjen me Chelsea-n, që parashikon huazimin e lojtarit deri në fund të sezonit. Deri tani, Batshuayi ka realizuar tre gola në 19 ndeshje me fanellën e klubit Iberik (vetëm një në kampionat) mes La Liga, Champions League dhe Kupës së Mbretit.
Sezoni i kaluar ishte padyshim më i mirë për sulmuesin. Gjatë kohës kur luante në Gjermani me Borussia Dortmund, nga janari deri në maj, arriti të shënonte 9 gola në 14 ndeshje të luajtura në Bundesliga dhe Europa League. Për Milan-in kjo mund të jetë një mundësi “me kosto të ulët” që do të merret në konsideratë…
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.