Ka një kuriozitet të madh rreth figurës së Fredric Vasseur.

Drejtori i ekipit të Ferrarit ka qenë ndoshta njeriu më i kërkuar në Formula 1 në ditët e fundit pas takimit në Londër me Adrian Newey, i destinuar të largohet nga Red Bull në fillimin e sezonit të ardhshëm.

Gara e radhës do të jetë në Miami ku synon të kompensojë zhgënjimin e Çmimit të Madh të Kinës me Charles Leclerc dhe Carlos Sainz jashtë podiumit si në garën Sprint ashtu edhe në atë të së dielës.

“Do të kthehemi të krahasohemi me formatin Sprint që vuajtëm pak në Kinë. Po e bëjmë në një qark shumë të ndryshëm, në të cilin këtë herë kemi në dispozicion të dhëna nga dy sezonet e fundit”, shpjegoi Vasseur në faqen zyrtare të Ferrari-t.

“Presim të bëjmë më mirë se dy javë më parë dhe jam i bindur që kemi potencial, sidomos duke pasur parasysh se sa afër janë vlerat në fushë pas liderëve të kampionatit.

“Përsëri, do të jetë e rëndësishme të shfrytëzojmë sa më shumë seancën e vetme të provave të lira që do të kemi në dispozicion, veçanërisht për të punuar në kualifikimet, gjë që së fundmi na ka parë në vështirësi më shumë seç duhet”.