Arsenali është mundur 1-0 në ndeshjen e javës së 10-të të Premier League. Skuadra e Mikel Arteta është ndëshkuar shpejt në fushën e Newcastle, që në minutën e 12-të nga Isak.

Në fakt kanë qenë minuta të tëra në dispozicion për ta ndryshuar rrjedhën e lojës, si nga vendësit, por veçanërisht “Topçinjtë”, të cilët ishin në disavantazh. Përpjekjet nuk kanë munguar, por rezultati nuk ka ndryshuar.

Arsenali ndërmori sulme të shumta drejt portës vendëse, sidomos pjesën e dytë, por pa e gjetur dot rrugën e rrjetës. Newcaste ka menduar para së gjithash për të mbrojtur atë gol të çmuar dhe të hershëm, teksa është angazhuar më shumë në kundërsulme.

Kjo filozofi loje, me forca të shumta në prapavijë, i siguroi suksesin në fund të kësaj përballjeje mjaft të luftuar. Pas kësaj humbjeje, skuadra e Mikel Arteta pozicionohet e treta në renditjen aktuale, me 18 pikë, po aq sa ka edhe Aston Villa, një vend më poshtë, falë golaverazhit më të dobët.

Nga ana tjetër, Newcaste renditet në vendin e 8-të, me 15 pikë. Të dyja skuadrat mund të zbresin më poshtë në klasifikim, nëse rivalët më të afërt i fitojnë ndeshjet e tyre respektive të javës së 10-të të Premier League.

KLIKO për të parë golin e ndeshjes, shënuar nga Isak.