Tryeza e “Versus” ka prodhuar episodin numër 51 ku është folur kryesisht për ndeshjet që lamë pas në këtë mesjavë Champions League, me rezultate deri diku të befasishme, me disa “këmbana alarmi” si te Real Madrid dhe Manchester City, me rilindje si ajo e Milanit…

Por ka edhe konfirmime si mbrojtja blind e Interit, surpriza Atalanta që nuk ndalet, Gyokeres gjithmonë e më shumë “mall i shtrenjtë” i merkatos së ardhshme por edhe Bayern Munich ende jo në versionin 3D, Barcelona “rrul”, Juventusi i mjaftueshëm, Zhegrova protagonist i netëve magjike dhe sidomos një Liverpool që sivjet duket se me Slot ka rigjetur motivimin…

I ftuari është një gazetar i njohur, me shumë eksperiencë dhe që dikur ka nisur pikërisht te Telesport dhe më pas ka dhënë kontributin e tij në shumë televizione të tjera. Elert Yzeiri në një bisedë të kënaqshme dhe pa filtra, mes ngacmimeve si tifoz i Interit… Ka diçka edhe për Formula 1, të cilën ai e ka komentuar dikur, por edhe mbi pyetjet thumbuese nga ndjekësit e Podcastit.