Christian Vieri dihet se thotë gjithmonë atë që mendon. Në intervistën që ka dhënë sot për “Gazzetta dello Sport” ka analizuar kampionatin dhe mbi të gjitha lojtarët e mëdhenj, duke nisur nga Interi:
“Askush nuk lëviz si Lukaku. Ai përcakton performancën e skuadrës ku bën pjesë, jo vetëm frikëson kundërshtarët. Me Lautaron janë një dyshe sulmuese e frikshme me 55-60 gola në vit. Një nga duetet sulmuese më të mira në Evropë. Dybala? Blerja thelbësore ishte Lukaku, por nëse vjen Dybala, edhe më mirë”.
Por, a mund të luajnë të tre bashkë, Lautaro-Lukaku-Dybala? Ja si përgjigjet Vieri: “Më duket e vështirë, sepse e shoh thuajse të pamundur që Inzaghi të heqë dorë nga 3-5-2”.
Megjithatë, për t’i bërë vend atij, do të duhej edhe lagimi i njërit mes Correas dhe Dzekos: “Nëse do të mund të zgjidhja, nuk do të bëja kurrë pa përvojën e Dzekos, veçanërisht kur mendoj për Ligën e Kampionëve. Interi duhet të jetë në gjendje të mendojë për të luajtur me të gjithë këtë vit”.