Që kur mbërriti në janar, Vitor Roque ka luajtur vetëm 310 minuta me fanellën e Barcelonës, si dhe ka shënuar dy gola. Ai filloi të kishte pak kohë aktivizimi në La Liga, por realiteti është se nuk ka luajtur që nga 13 prilli.

Fjala është për ndeshjen e tij të dytë si titullar kundër Cádiz, pikërisht para ndeshjes së Ligës së Kampionëve kundër PSG-së. Më parë kishte filluar vetëm kundër Celta, gjithashtu pak para ndeshjes së parë të Champions League kundër Napolit.

Sidoqoftë, përtej pak minutave që sulmuesi brazilian mund të ketë pasur në La Liga, jashtë kompeticionit vendas, ku nuk ka luajtur në momente kyçe si “El Clasico” apo ndeshjen e fundit ndaj Valencias, ai ka kaluar krejtësisht pa u vënë re.

Në Ligën e Kampionëve, skenën e madhe, ai nuk luajti asnjë minutë në 4 ndeshje. As kundër Napolit, në 1/8 finale, as më vonë kundër PSG-së në çerekfinale.

Ai mori pjesë në “Copa del Rey”, por nuk startoi kundër Barbastro dhe Unionistas. Në “San Mamés”, kundër Athletic Club, ku kishte kohë shtesë dhe Barça kishte nevojë për një gol, ai nuk u shfaq fare.

Së fundi, në Superkupën e Spanjës, edhe pse sapo kishte ardhur, ai nuk luajti kundër Osasunës në gjysmëfinale apo në finalen kundër Real Madridit.