Sulmuesi i Juventusit, Dusan Vlahovic, foli për mikrofonët e “Mediaset” pas fitores 4-0 në Kupën e Italisë, kundër Cagliarit.

Një përgjigje e madhe nga skuadra juaj, pas zhgënjimit të fundit në kampionat…
Jemi të lumtur për fitoren e sotme dhe për tifozët që na mbështetën deri në fund. Tani duhet të mendojmë për ndeshjen e radhës.

Je në qendër të botës juventine…
Jam shumë i kënaqur, ky është një nga klubet më të mëdhenj në Europë, ka një tifozëri të jashtëzakonshme. Më vjen keq për atë që ndodhi të shtunën mbrëma, duhet të vazhdojmë të gjithë së bashku.

A mund ta ngushtojë kjo Juve hendekun në kampionat me Atalantën, Interin dhe Napolin?
Kam besim, ecim hap pas hapi, ndeshje pas ndeshjeje.