Xabi Alonso, trajneri i Bayer Leverkusenit, ka dhënë një intervistë për “Sky Sport” pas ndeshjes së Champions League, të fituar 1-0 në “BayArena” kundër Milanit.

Sa i kënaqur jeni, përtej rezultatit?
Mendoj se është një lajm i madh që futbolli gjerman mbetet konkurrues. Është gjithashtu lajm i mirë për ne që kemi marrë këtë rezultat kundër Milanit. 60 minutat tona të para ishin të mira, por në fund u ndjemë të lodhur, ndoshta pas ndeshjes kundër Bayern Munich. Treguam shpirt dhe karakter, këto tri pikë janë shumë të çmuara. Në Champions League duhet të dish të vuash dhe të luftosh, jo vetëm të luash mirë. Djemtë e interpretuan mirë këtë ndeshje dhe ky është një hap i rëndësishëm për ne.

A e prisnit që skuadra ta ndryshonte lojën pas golit?
Kemi luftuar shumë për të shënuar, por ndoshta pas golit kemi ndryshuar qasjen tonë shumë shpejt. Ndoshta diçka mungonte në nivelin fizik, ishte një ndeshje serioze. Morata? Ai më dha fanellën e tij, siç kishte bërë tashmë gjatë ditëve të tij me Juventusin.