Trajneri i Barcelonas, Xavi Hernandez, njoftoi në fund të janarit se do të largohej nga klubi këtë verë, por ai mund të ketë mundësi që të mos largohet nga klubi katalanas.

Largimi i Xavi mbetet në dyshim, me drejtorin sportiv Deco dhe presidentin Joan Laporta që refuzojnë të përjashtojnë mundësinë që ai të qëndrojë përtej verës. Xavi ka theksuar se ‘asgjë nuk ka ndryshuar’.

Ai ka thënë gjithashtu se nuk do të merrte një skuadër tjetër gjatë verës, përkundrazi do të preferonte një pushim vitin e ardhshëm.

Sipas HITC, Chelsea dhe Newcastle United po e konsiderojnë atë për sezonin e ardhshëm. Ruben Amorim ka qenë i lidhur me stolin e Chelsea-t, dhe Roberto Mancini me Newcastle. Mauricio Pochettino dhe Eddie Howe janë nën presion me afrimin e verës.

Duket shumë e pamundur që Xavi të marrë një ekip tjetër pas Barcelonas. Ai ndien një lidhje të veçantë me Blaugranat, por ka shpjeguar se i detyrohet familjes së tij që të kalojë më shumë kohë me ta.