Xavi Hernández ka folur në prag të ndeshjes kundër Almerias, e cila mund ta afrojë Barcelonën në vendin e dytë. Trajneri Blaugrana foli edhe për thashethemet rreth Vitor Roque, i cili është aktivizuar pak, pavarësisht 30 milionë eurove të shpenzuara në janar: “Vitor Roque nuk duhej të kishte ardhur në janar, por ne vendosëm për të mirën e tij dhe e përshpejtuam procesin. Përshtatja do të ishte më e mirë për të. Ka një debat pa ka kuptim për mua. Ai është duke u rritur dhe gjithçka do të varet nga çfarë do të japë vetë futbollisti, por edhe titullari para tij në rolin përkatës”.
Cili është mesazhi për sezonin e ardhshëm?
Do ta jap mesazhin kur të kemi një pamje të qartë. Së pari duhet të planifikojmë, të forcohemi nëse mundemi dhe të shohim se ku jemi. Pastaj do të flasim. Tani për tani objektivi ynë nuk është të mendojmë për sezonin e ardhshëm, por vendin e dytë. Është një objektiv minimal për klubin, sepse na lejon të luajmë për një tjetër titull, Superkupën”.
Çfarë ndryshimesh prisni në skuadër për sezonin e ardhshëm?
Nuk e di ende. Duhet të mendojmë për “fair-play financiar”, pastaj nuk është koha për ta komentuar këtë temë.
A ju ka dhënë menaxhmenti ndjenja të mira?
Presidenti dhe Deco janë pozitivë, por programi sportiv do të diktohet nga situata ekonomike.
Cili është mesazhi i Xavit për tifozët e Barcelonës në këtë moment të vështirë dhe duke pasur parasysh momentin e mirë të Real Madridit?
Ne do të përpiqemi si gjithmonë. Mendoj se tifozët duhet ta kuptojnë se situata është shumë e vështirë, veçanërisht në planin ekonomik. Situata ekonomike nuk ka të bëjë fare me atë të 25 viteve më parë, kur trajnerët mund të kërkonin lojtarët që dëshironin. Tifozët duhet ta kuptojnë këtë dhe ne do të përshtatemi. Kjo nuk do të thotë se nuk do të jemi konkurrues, por ky është realiteti.
A keni folur me Araújo për vazhdimin e kontratës së tij?
Unë flas shumë shpesh me të. Ai e di saktësisht se çfarë mendoj për të, gjithmonë përpiqem të flas sinqerisht. Nga ana ime ka qartësi, edhe ai është i lumtur këtu.
João Felix nuk ka qenë titullar prej një muaji. Çfarë vlerësimi keni bërë për të?
Na ndihmoi shumë dhe numrat e tij janë të mirë, por ka konkurrencë. Raphinha, Lewandowski dhe Lamine treguan një nivel të mirë. Kjo vlen edhe për Ferran dhe Vitor. Joao Felix ishte i rëndësishëm dhe do të duhet të jetë i tillë deri në fund të sezonit.
