Coronavirus ka prekur edhe NBA-në. Basketbollisti i Utah Jazz, Rudy Gobert, ka rezultuar pozitiv, duke bërë që ndeshja ndaj Oklahomës të mos zhvillohet. Nuk është luajtur edhe takimi mes Sacramento-New Orleans, që do të niste në të njëjtin orar si sfida e Jazz. Ndërkohë që janë luajtur vetëm 4 ndeshje, që kishin nisur më herët.
Rudy Gobert
Drejtuesit e NBA-së kanë lëshuar një komunikatë për pezullimin e menjëhershëm të aktivitetit. “NBA pezullon aktivitetin e saj pas ndeshjeve të sotme. Një lojtar i Utah jazz ka rezultuar pozitiv me coronavirus. Rezultati i testit është marrë pak minuta para fillimit të ndeshjes”, thuhet me pak fjalë në deklaratën për media të NBA-së.
Në ato momente lojtari nuk ka qenë në stadium, por mësohet se ndodhet në karantinë. NBA ka vendosur të pezullojë pa afat ndeshjet deri në një moment të dytë. Të gjithë lojtarët e Jazz do t’i nënshtrohen testit të coronavirus, si dhe disa gjyqtarë që kanë gjykuar këtë skuadër.
Rezultatet e sotme
Philadelphia – Detroit, 124-106
Atlanta – New York, 131-136
Miami – Charlotte, 98-109
Dallas – Denver, 113-97
Oklahoma – Utah Jazz, e shtyrë
Sacramento – New Orleans, e shtyrë
