Real Madrid e ka kuptuar mirë se skuadra nuk është 100% e kompletuar, pavarësisht spektaklit dhe sukseseve të vitit të kaluar.
Los Blancos janë kampionë Europe në fuqi, por disa lojtarë nuk janë në kulmin e tyre, plus që mungesa e Toni Kroos ka krijuar një boshllëk të madh në ekip.
Sipas Daily Mail, Florentino Perez po ndjek me vëmendje disa lojtarë nga Premier League, për ta përmirësuar skuadrën në të gjitha pozicionet, por sidomos në mbrojtje.
Emrat që po ndiqen janë Lisandro Martinez dhe Diogo Dalot nga Manchester United, Cristian Romero nga Tottenham dhe Trent Alexander-Arnold. Më i kushtueshmi? Romero. Më i liri? Lojtari i kuq, sepse në verë mund të transferohet si lojtar i lirë.
