Barça sfidon Bilbaon në Montjuïc në La Liga të shtunën, me Williams që do të jetë në fushë me klubin bask pasi refuzoi interesimin e katalanasve.

Pse, pas një ndjekjeje të gjatë, Williams vendosi të refuzonte Barcelona-n, e konsideruar si një nga klubet elitare të futbollit europian dhe botëror?

Arsyet janë të shumta, megjithëse përfaqësuesit e tij – dhe besnikëria – ka luajtur një rol të madh.

Vëllai Inaki, një tjetër yll i Bilbao-s, dhe prindërit e tij e inkurajuan Williams Jr që të ishte korrekt me punëdhënësit e tij aktual, të cilët i dhanë atij mundësinë e tij të madhe në futbollin profesionist.

Që kur iu bashkua akademisë së Athletic nga Osasuna në 2013, klubi ka bërë gjithçka që është e mundur për t’i dhënë atij një platformë për të arritur nivelin që ka, të cilin Williams e di mirë.

Arsyeja tjetër është se Williams do të luajë për Athletic në Europë për herë të parë në sezonin 2024/25, me baskët që janë kualifikuar në Europa League.

E për më tepër, finalja e kompeticionit do të luhet në San Mamés të Bilbaos, një tjetër faktor i rëndësishëm që ka ndikuar në vendimin e tij.