Daily Mail ka zbuluar disa prapaskena që lidhen me kohën e Jurgen Klopp te Liverpool. Sipas gazetës britanike, Mohamed Salah ka patur probleme me trajnerin gjerman dhe me shokun e skuadrës, Sadio Mane.

Duket se Klopp nuk e kishte kërkuar me ngulm transferimin e Salah te Liverpool. I preferuari i tij në fillim kishte qenë Julian Brandt nga Borussia Dortmund.

Klopp dhe Salah kishin thjesht respekt për njëri-tjetrin dhe kaq. Gjermani nuk e mbante afër sulmuesin, edhe pse ai ishte ylli i skuadrvs.

Një ditë, kur Salah u shpreh hapur në media për qejfmbetjen e tij për shiritin e kapitenit në një ndeshje europiane, raporti me Klopp shkoi drejt fundit.

Egjiptiani më tej u ankua për metodat e stërvitjes të Klopp pas një humbjeje ndaj Evertonit. Problemet me Mane, sipas gazetës, kishin të bënin me faktin se Sadio Mane ndihej i lënë në hije.