Romelu Lukaku ka gjetur akordin me Interin. Sulmuesi i United do të kalojë në Seria A duke mbyllur një nga marrëveshjet më të bujshme të verës.
Belgu ka gjetur akordin për t'u vënë nën urdhrat e trajnerit Antonio Conte dhe ka pranuar të paguhet 190.000 euro në javë. Shtatlarti e pranoi hapur se dëshironte të largohej nga Premier League dhe të kalonte në Seria A.
Problemi i vetëm momentalisht është gjetja e akordit ndërmjet dy klubeve për shifrën e transferimit. United nuk do të largojë Lukakun pa gjetur zëvendësuesin e duhur. "Djajtë e kuq" paguan 80 milionë euro për kartonin e tij dhe nuk duan të humbasin nga ajo shumë.