Pas pesë muajsh burg, Dani Alves sheh sesi opsionet e tij për t’u larguar nga izolimi i “Brians II” vazhdojnë të bien në vesh të shurdhër. Ndërkohë, programi ‘Código 10’ ka nxjerrë në dritë audion e deklaratës së tij, para gjyqtarit. Në të, braziliani dëgjohet duke dhënë versionin e tij për ngjarjet brenda klubit të natës së Barcelonës dhe për të cilat një e re akuzohet për përdhunim.

Në dëshminë e tij, Alves rrëfeu se më parë kishte gënjyer për të mbrojtur martesën e tij me gruan që donte. Në lidhje me atë që ndodhi në banjën e lokalit të natës, futbollisti është shprehur: “Kur u futëm në tualet qëndruam ballë për ballë me njëri-tjetrin. Po, ajo më puthi dhe filloi të më hiqte pantallonat. Nuk ka ndodhur asgjë që ne nuk e kemi dashur. Unë e kam trajtuar gjithmonë me shumë respekt”.

Për mënyrën si u takuan me 23-vjeçaren, e cila pretendon se është përdhunuar nga ish-mbrojtësi i Barcelonës, Alves ka sqaruar: “Ne ishim ulur në tavolinën e gjashtë të diskotekës, që është e hapur në të gjithë dhomën. Fola me Brunon dhe i bëmë përsëri kamerierit me shenjë. Kamarieri ftoi menjëherë tri vajza. Po argëtoheshim dhe menjëherë pati një tërheqje seksuale…”

Pas kësaj, ata dyshohet se vazhduan me marrëdhëniet e tyre, siç tregoi ekskluzivisht ‘Código 10’: “E pyeta dy herë nëse i pëlqente dhe ajo tha po. Dhe pikërisht atëherë u ngrit me kurrizin nga unë, kryem marrëdhënie seksuale. As në dhomën private, as në banjë nuk më tha kurrë se nuk donte, që të ndaloja çdo veprim”.