Një histori me fund të lumtur, pasi një mesazh në celular i shpëtoi jetën zv.trajnerit të ekipit të Vancouver Canucks, Brian Hamilton. Më 23 tetor, Nadia Popovici, studente e mjekësisë, ishte në tribunë për të parë ndeshjen e NHL-së (National Hockey League) mes ekipit kanadez dhe Seattle Kraken.
Ajo vuri re një nishan të dyshimtë në qafën e trajnerit Hamilton. Ajo bëri gjithçka për të komunikuar me trajnerin e ekipit kanadez, madje duke i rënë edhe me grushte xhamit që ndante ekipin nga fansat. Më pas, ajo i tregoi mesazhin në celular, që paralajmëronte se ai nishan mund të ishte tumor.
Hamilton ndoqi këshillat e studentes dhe bëri disa vizita mjekësore, që konfirmuan dyshimet e 22-vjeçares. Ai kishte një tumor malinj në lëkurë dhe nisi mjekimin. Por trajneri nuk u mjaftua me kaq, pasi nisi kërkimet për të gjetur vajzën që i shpëtoi jetën, duke bërë edhe një apel në rrjetet sociale.
“Personi që po kërkoj më ndryshoi jetën dhe dua ta falënderoj. Dyshimet e saj ishin të sakta dhe ai nishan në qafën time ishte një tumor malinj”, ishte mesazhi i trajnerit Brian Hamilton. Pasi arriti të komunikojë me vajzën, ai e falënderoi atë personalisht. Të dyja ekipet i dhuruan vajzës një bursë studimi me vlerën 10 mijë dollarë.
The internet community helped us find Brian's hero, Nadia, and tonight they met in person where he got to express his sincerest thank you to her for saving his life.
A story of human compassion at its finest. pic.twitter.com/66ogo5hB1a
— Vancouver #Canucks (@Canucks) January 2, 2022
