David Trezeguet kujton me nostalgji Italinë dhe Juventusin, dy realitete që zënë një vend të veçantë në karrierën e tij. Në një intervistë për “AS”, ish-sulmuesi francez rrëfeu vitet e kaluara në Torino, periudhë që e shndërroi në një nga sulmuesit më të mëdhenj në historinë e klubit bardhezi.
Pas aventurës te Monaco, ai vendosi të pranonte ofertën e Juventusit: “Takova Ancelottin dhe gjeta një skuadër me Vieri dhe Inzaghi në sulm. Që nga ai moment karriera ime vazhdoi të rritej vazhdimisht”.
Në Torino u bë golashënuesi më i mirë argjentinas në historinë e Juventusit, duke kaluar edhe Omar Sivorin, si dhe lojtari i huaj me më shumë vite te bardhezinjtë: “Më ndodhi gjithçka. Pata privilegjin të luaja me tre fitues të ‘Topit të Artë’ si Zidane, Nedved dhe Cannavaro. Mbi të gjitha, ruaj një kujtim të veçantë të bashkëpunimit me Del Pieron”.
Duke kujtuar vitin 2006, ai tha: “Shumë lojtarë u larguan nga Torino, por ne vendosëm të qëndronim. Ishim një grup shumë i bashkuar dhe nuk ishte zgjedhje e lehtë”. Sipas Trezeguet, vlerësimi i tifozëve juventinë mbetet shpërblimi më i madh: “Është diçka që do ta mbaj gjithmonë me vete”.
