Jordan Henderson foli për krenarinë e tij që është pjesë e një ekipi special të Anglisë, ndërsa mesfushori i lënduar reflektoi mbi një natë të paharrueshme të cilën e mbylli në një spital meksikan pas dëmtimit që pësoi gjatë festimeve.

36-vjeçari është në turneun e tij të shtatë të madh dhe kaloi një mbrëmje të mrekullueshme të dielën në Azteca, ku mori edhe një karton të verdhë pavarësisht se nuk luajti asnjë minutë dhe më pas u rrëzua me dhimbje.

Henderson iu bashkua shokëve të tij të ekipit të Anglisë pas ndeshjes, për një interpretim të hitit të Oasis “Wonderwall”, por u rrëzua mbi tabelat reklamuese. Mesfushori u dërgua në spital pasi kishte lënë fushën me barelë dhe pritet t’i nënshtrohet një operacioni në kyçin e dorës.

Ai ka deklaruar se do të qëndrojë me ekipin e Thomas Tuchel deri në fund të turneut. “Ajo ishte një natë për t’u mbajtur mend, kjo është e sigurt! Çfarë performance e jashtëzakonshme kundër të gjitha sfidave të ndryshme“, tha Henderson në një postim.

“Jam shumë krenar që jam pjesë e këtij ekipi të veçantë. Faleminderit për gjithë mbështetjen. Shpresojmë që të arrijmë një tjetër fitore e madhe të shtunën ndaj Norvegjisë”, tha anglezi.