Arsenal ka të ngjarë të duhet të ndryshojë objektivat për të forcuar sulmin e tyre. Ditët e fundit, “topçinjtë” kanë intensifikuar kontaktet e tyre me Julian Alvarez, duke synuar të mposhtin Barcelonën në ofertë dhe të bindin Atlético Madrid të shesë sulmuesin e tyre.

Për më tepër, klubi spanjoll do të mirëpriste një lëvizje jashtë vendit, duke shmangur kështu forcimin e një rivali të drejtpërdrejtë në La Liga. Por, sipas “Sport”, argjentinasi tashmë ka hedhur poshtë mundësinë e një transferimi në Londër.

Alvarez nuk është i gatshëm të rikthehet në Angli pas përvojës së tij të mëparshme me Manchester City dhe e ka bërë shumë të qartë preferencën e tij për të ardhmen e tij. Destinacioni i tij i dëshiruar është Barcelona.

Dëshira e lojtarit është një faktor i rëndësishëm, por ende nuk është e mjaftueshme për të nisur marrëveshjen. Për momentin, marrëveshja e mundshme midis Barcelonës dhe Atlético Madrid është ende në hapat e saj të pare.

Klubi “colchoneros” nuk kanë ndërmend ta lënë të lirë sulmuesin e tyre yll lehtësisht. Pozicioni i Alvarez rrezikon të zvogëlojë hapësirën e manovrimit të Arsenal dhe të ndikojë në të gjithë garën për të drejtat e tij.