Pep Guardiola plotësoi një kërkesë të pabesueshme nga një tifoz i Manchester Cityt gjatë turneut parasezonal në Shtetet e Bashkuara të Amerikës.

Ky tifoz në fjalë kërkoi që trajneri spanjoll t’i jepte një autograf në këmbë, që më pas do ta bënte tatuazh.

Pep ia realizoi dëshirën. Tifozi tha:

“Ti na ndryshove gjithë jetën.”

Guardiola u përgjigj:

“Gruaja jote do të më vrasë”.

Tifozi shtoi:

“Ajo e di që unë të dua më shumë se atë”.

Guardiola më pas komentoi:

“Mos e thuaj këtë. Është një shaka, apo jo?”

Duke e siguruar trajnerin e Cityzens se po thoshte të vërtetën, tifozi u përgjigj:

“Jo, aspak.”

Kur u pyet se si u ndje kur takoi ish-trajnerin e Barcelonas, tifozi, i cili kishte veshur një fanellë të Manchester Cityt, tha:

“Po dridhesha, njeri. Dua të them, është si një tifoz, merr dikë si ai dhe të ndryshon klubin, të ndryshojë jetën. Dua të them se është nivel tjetër”.

Guardiola konsiderohet si një nga trajnerët më të mirë në epokën moderne. Ai mori drejtimin në stadiumin Etihad në verën e vitit 2016 dhe ka drejtuar 472 ndeshje në të gjitha kompeticionet deri më sot.

Ai ka fituar gjashtë tituj në Premier League dhe ka një trofe të Champions League, ndër të tjera suksese.

Manchester City nis sezonin e tij të ligës me një udhëtim në Stamford Bridge, ku një test kundër Chelseat i pret më 18 gusht.